8 - SU SABIU

Narant is antigus chi ziu AntoniPepi fiat un homini meda sabiu, chi biviat appizzus de unu cuccuru de nuraxi, sempiri filosofendi. Narant puru chi portàt sa conca che unu casiddu de abis: s'intendiat de attesu su morighingiu de su cerbeddu.
Una dì, castiendi a basciu, hiat bistu unu pastori beccixeddu chi asutta de una matta de ollastu fiat tingendisì is pilus de conca. A ziu AntoniPepi ci ddi fiat scappau s'arrisu, e dd'hiat zerriau:
"Ma poita no ti tingis is genugus? Tanti, is pilus ti 'nd' hant arrui, mentras is genugus t'hant abarrai!"

(Tradusiu liberamenti de su gregu. antigu)